IMAGE-1 IMAGE-1 IMAGE-1 IMAGE-1 IMAGE-1 IMAGE-1 IMAGE-1

ශ්‍රී ලංකාව චන්ද්‍රිකාවක් කක්ෂගත කරන ලෝකයේ 45 වෙනි රාජ්‍ය බවට පත්වෙයි.

Post by Unknown | at 10:29 AM | 2 Comments | Categories


අද (නොවැ 27) කක්ෂගතවන ශ්‍රී ලංකාවේ මුල්ම චන්ද්‍රිකාව පිළිබද    තොරතුරු බිදක්.....


ලෝකයේ මුළින්ම පණිවිඩ චන්ද්‍රිකාවක් උඩුගුවනට යැවූ රට වන්නේ සෝවියට් රුසියාවයි. පසුව ඇමරිකා එක්සත් ජනපදය, කැනඩාව යන රටවල් පිළිවෙළින් චන්ද්‍රිකා කක්ෂගත කළේය. මේ අයුරින් 1957 ඔක්තෝබර් 4 ස්පුට්නික් කක්ෂගත කිරීමේ සිට අද දක්වා රටවල් 44 ක් චන්ද්‍රිකාවල හිමිකාරිත්වය ඇතිව ඒවා කක්ෂගත කර තිබේ. එම රටවල් අතරට අළුතින්ම එකතුවන රාජ්‍ය වන්නේ ශ්‍රී ලංකාවයි. සත්‍යවශයෙන්ම මෙම චන්ද්‍රිකාව කක්ෂගත කිරීමට නියමිතව තිබුණේ නොවැම්බර් 22 වන දාය. එහෙත් එය නොවැම්බර් 27 වෙනිදා උඩුගුවනට යැවීමට තීරණය කෙරුණි.



චීනයේ චන්ද්‍රිකා සන්නිවේදන ආයතනයක්වන 'චයිනා සැටලයිට් කොමියුනිකේෂන් කෝපරේෂන්' හා තවත් සමාගමක් එක්ව ලංකාවේ 'සුප්‍රීම්සැට්' සමාගම එක්ව මෙම චන්ද්‍රිකාව කක්ෂගත කිරීමේ ගිවිසුම අත්සන් කරන ලදී. චීනයට අයත් රොකට්ටුවක් මගින් අභ්‍යවකාශගත කෙරෙන මෙම චන්ද්‍රිකාව ශ්‍රී ලංකාවට ඉහළ අහසේ කක්ෂගත කිරීමට නියමිතය. මෙම මෙහෙයුම සදහා ශ්‍රී ලංකාවෙන් ආයෝජනය කළ මුදල ඇ.ඩො. 3200 කි. මෙම චන්ද්‍රිකාවේ මෙහෙයුම් කටයුතු සිදුකිරීම සදහා පල්ලෙකැලේ ප්‍රදේශයේ අභ්‍යවකාශගාමී පුහුණු නිකේතනයක් ඉදිකිරීමට සියළු කටයුතු සූදානම්ව පවතී. 

මෙම චන්ද්‍රිකාවේ අයිතිය චීනය හා ශ්‍රී ලංකාව යන රටවල් දෙකටම හිමිවන අතර වැඩි අයිතිය ශ්‍රී ලංකාව සතුය. නමුත් පල්ලෙකැලේ බදිවන මෙරට පාලන මධ්‍යස්ථානයේ වැඩ අවසන්වන තුරු චීනය මගින් චන්ද්‍රිකාවේ පාලන කටයුතු සිදුකරගෙන යනු ඇත. එමෙන්ම මෙම චන්ද්‍රිකාවේ ශ්‍රී ලංකාව හා චීනය යන රටවල් දෙකෙහිම ජාතික කොඩ් ප්‍රදර්ශනය කරන බව බැවසේ. මෙම චන්ද්‍රිකාව කක්ෂගත කිරීමෙන් අනතුරුව ශ්‍රී ලංකාව දකුණු ආසියාවේ චන්ද්‍රිකා අයිතිය හිමි තුන්වන රට බවට පත්වේ. එය ලෝකයේ 45වන ස්ථානයයි.


මෙම චන්ද්‍රිකාව 2013 ජනවාරි මාසයේ සිට දකුණු හා මධ්‍යම ආසියාව, නැගෙනහිර අප්‍රිකාව හා මැදපෙරදිග රටවලට සන්නිවේදන සේවා සැපයීමට මෙම චන්ද්‍රිකාව මගින් හැකියාව ලැබෙනු ඇත. ඒ තුළින් ඉදිරිකාලයේදී විශාල විදේශ විනිමයක් උපයා ගැනීමට ශ්‍රී ලංකාවට හැකියාව ලැබෙනු ඇත. සුප්‍රීම්සැට් සමාගමේ මීළග බලාපොරොත්තුව වන්නේ 2015 දී ශ්‍රී ලංකාවට පූර්ණ අයිතියක් හිමි චන්ද්‍රිකාවක් කක්ෂගත කිරීමයි. ඒ අනුව අනාගතයේදී ශ්‍රී ලංකාව සන්නිවේදන කෙෂ්ත්‍රයේ විශාල ප්‍රගතියක් චන්ද්‍රිකා තුළින් ළගා කරගනු ඇතැයි විශ්වාස කළ හැකිය.

- දුලාන් තනුශංක සිල්වා
 පේරාදෙණිය විශ්වවිද්‍යාලය

2 comments:

  1. නියමයි.
    මේ චන්ද්‍රිකාවේ තාක්ෂණික හැකියාවන් පිළිබද වැඩි විස්තර ලබාදෙන්නේ නම් මැනවි

    ReplyDelete
  2. شركة تنظيف منازل بالرياض
    تمتلك افضل الطرق والمعدات في تنظيف الواحدات الداخلية والخارجية للمكيفات توفر تنظيف المكيفات الاسبلت الفريون الكاست شركة غسيل مكيفات توفر خدمة تعبئة الفريون بسعر مميز شركة نظافة مكيفات تساعد علي رفع كفاءة التشغيل مرة اخريشركة تنظيف مكيفات اسبلت بالرياض _ شركة تنظيف مكيفات بشمال الرياض _ شركة تنظيف مكيفات غرب الرياض _ شركة تنظيف مكيفات شرق الرياض _ شركة تنظيف مكيفات جنوب الرياض

    ReplyDelete

Sponsors : Copyright © 2012. සිරසි - All Rights Reserved
Template Design by Sirasi Powered by Blogger