අපේ සංගාට ඉස්සර කියපු කතා...

                  අපේ සංගාගේ නොදුටු පැත්ත....

මෙවර ICC විස්සයි විස්ස ලෝක කුසලානය සත්කාරකත්වය දරන්නේ ශ්‍රී ලංකාවයි.මෙය හතරවන වතාවට පැවැත්වෙන 20-20 ලෝක කුසලානයයි.අද මේ ලිපියෙන් එහි සත්කාරකත්වය පිළිබදවවත්,ශ්‍රී ලංකා කණ්ඩායම ගැන අතිශෝක්ත ගුණ වර්ණනාවක්වත් කරන්නට යන්නේ නැත.අද මා කතා කරන්නේ ලංකාවේ සුපිරි පිතිකරු,මෙතෙක් ලංකාවේ බිහිවුණු විශිෂ්ටතම පිතිකරු කුමාර චෝක්ෂාන්ද සංගක්කාර පිළබදවයි.මෙහිදී මම ඔහුගේ පෞද්ගලික තොරතුරු ඉතා අඩුවෙන් සදහක් කරමි.මන්දයත් ශ්‍රී ලාංකිකයන් වන බොහෝ දෙනෙක් ඒ පළිබදව දන්නා බැවිනි. 

ඇත්තටම කුමාර් සංගක්කාර කියන්නේ 19 පහළ ලෝක කුසලානයවත් ක්‍රීඩා කර නැති පිතිකරුවෙකි.ඒත් ඔහුගේ දක්ෂතාවය නිසාම ඔහුව ජාතික කණ්ඩායමට එක් කරගත් අතර 2000 වර්ෂයේදී දකුණු අප්‍රිකාව සමග පැවති තරගයේදී ටෙස්ට් වරම් හිමි කරගත්තේය.ඔහු ජාතික කණ්ඩායමට පැමිණි දිනයේ සිටම ඔහුට කෙණහිලකම්,අප්‍රමාණ වු බැණුම් සමහර මැටිමෝල් ක්‍රීඩා ලෝලීන්ගෙන්ද අසන්නට ලැබුන වාර අනන්තය.

ඔහු කඩුළු රකින්නෙක් ලෙස කටයුතු කල අතර එවකට කඩුළු රකිමින් සිටි කළුවිතාරණ වෙනුවට ඔහු ඒ කාර්ය ඉටු කලේය.නමුත් සමහර ගොන් පොරවල් ඔහුට බැණ වැදුනේය.

" අපෝ කවුද බං අර සංගක්කාර කියන්නේ,මු කළුවගේ ප්ලේස් එක නැති කරානේ සංගක්කාර නෙමෙයි මු 

ග.....සාර   "

   සංගක්කාර ක්‍රිකට් පිටියට ආධුනික අවධියේදි ඔහුට මුරලිගේ දග පන්දු යැවිම ගැන ලොකු වැටහීමක් නැතැයිද,මුරලි පන්දු යැවීමේදී සංගාගේ කඩුළු රැකීම දුර්වල තත්වයක තිබුණු බවද බොහෝ දෙනා පැවසීය.ඇත්තටම ඕනැම පුද්ගලයෙක් ආධුනික අවස්ථාවේදි තරමක් පසුබායි.අනික මුරලි වැනි ශ්‍රේෂ්ඨ දග පනස්දු යවන්නෙකුට කඩුළු රැකීම එක්තරා ART එකකි.අපේ සමහර අයට මේවා තේරුම් ගියේම නැත. මේවා අපිට ඒ දවස්වල අහන්නට ලැබුණු කතාය.

  ඇත්තටම රුමේශ් කළුවිතාරණ යනු දක්ෂ කඩුළු රකින්නෙකි.එහෙත් ඔහු සංගක්කාර තරම් සුපිරිතමයෙකු නොවන බව මගේ වැටහීමයි.ලෝකයේ වේගවත්ම ස්ටම්ප් කරීම සිදුකර ඇත්තේ සංගක්කාර විසිනි.අද සංගක්කාරගේ පෝස්ටර් ගහගෙන කෑගහන සමහර අය ඒ දවස්වල සංගාගේ කෑලි ඉවර කලේය.ඔය කොහොම කොහොම හරි අන්තිමේදී රුමේෂ් කළුවිතාරණ ක්‍රිකට් පිටියෙන් සමු ගත්තේය.ඉන්පසු සංගක්කාරට ආ ප්‍රධාන චෝදනාව වුයේ ශතකයක් වාර්තා නොකිරීම ගැනය.ඔහු ක්‍රිකට් දිවියට පැමිණ වසර කිහිපයක් යනතුරු එක්දින ශතකයක් ලබා ගැනීමට කොහැකි විය.එහෙත් ඔහු විශිෂ්ට ලෙස ලකුණු රැස් කලේය.අවසානයේ පකිස්ථානයට සහ සිම්බාබ්වේට එරෙහිව පිට පිට ශතක 2ක්ම ලබා ගත්තේය.

සංගක්කාරට පැමිණි තවත් චෝදනාවක් ලෙස(මේවා සමහර මෝඩයින් විසින් ක්‍රිකට් මැච් නරඹද්දි කියන ගොන් ආතල් කතාය) එළියට ආවේ ඔහු ලබාගත් මුල්ම ශතක 5 තුළදි එම ශතක ලබාගත් තරග ශ්‍රී ලංකා කණ්ඩායම පරාජයට පත්වීමයි.ඇත්තටම අපි මෙ ගැන පොඩි විමසීමක් කරමු.

2003/04/04 පකිස්තානයට එරෙහිව- 100 නොදැවී (ශ්‍රිලංකාව පරාජය විය)

2003/04/06 කෙන්යාවට එරෙහිව   -103 නොදැවී(ශ්‍රිලංකාවට ජය)

2004/02/27 ඕස්ට්‍රේලියාවට එරෙහිව  -101(ශ්‍රිලංකාව පරාජය විය)

2005/10/31 ඉන්දියාවට එරෙහිව      -138නොදැවී(ශ්‍රිලංකාව පරාජය විය)

2006/02/25බංග්ලාදේශයට එරෙහිව   -109(ශ්‍රිලංකාවට ජය)

මේ විදිහට ප්‍රථම තරගවලදී ලැබු ප්‍රතිඵල වලින් "සංගා 100ක් ගැහුවොත් මැච් එක පරාදයි බං"කයමින් අපේ සමහර හේතුපාල අයියලා දෝස්මුර නගන්නට විය.සංගාට 100ක් ගැහුවත් ඒ දවස්වල අපේ සමහර ගොන් තඩියන්ගෙන් බැණුම් අහන්නට සිදුවිය.ඇත්තටම මැච් එකේ ශතකයක් ලබා ගැනීම වැරදිද?සචින් තෙන්ඩුල්කාර් වැනි තමන්ගේ ලකුනු ගැන පමණක් සිතන පොරවල් නම් 100ක් ගැහුවොත් මැච් එකක් අනිවාර්යයෙන් පරදියි.මක් නිසාද යත් සචින් 100ක් ගහන්නේ බෝල් 150කට විතර නිසාය.ඒත් අපේ සංගා එලෙස නොවන බව බොහෝ දෙනෙක් දන්නා කරුණකි.

සංගක්කාරගේ ටෙස්ට් දිවියේ මට නම් අමතක නොවන කරගය ඔහු ඕස්ට්‍රේලියවට එරෙහිව ලබාගත් ලකුනු 192යි.එහිදී විනිශ්චය කරුවෙක්ව සිටි රුඩී කර්ස්ටන්ගේ දුර්වල විනිශ්චය නිසා ඔහු දැවී ගියේය.එහිදී ඔහු umpire ට එකට එක කියන්න ගියේ නැත.ඒ මහත්මා ගතියයි.

සංගක්කාර ලංකාවේ නායකත්වයට පත්විය.එලෙස පැමිණ ප්‍රථමයෙන් නායකත්වය ලබා දෙන්නට සිදුවුයේ 2009දී එංගලන්තයේ පැවති 20-20 ලෝක කුසලානයේ ඕස්ට්‍රේලියාව සමග තරගයටයි.එහිදී ඔහු ටී.එම්.ඩිල්ෂාන් සමග නායකත්වයේ ඉනිමක් ක්‍රීඩා කරමින් තරගය ජයග්‍රහණය කළේය.එම තරගාවලියේ අවසාන මහා තරගය දක්වාම ලංකාවට ගමන් කිරීමට හැකි වුයේ සංගාගේ Brilliant Captiancy එක නිසාය.

පන්දුවාර 50 ලෝක කුසලාන ක්‍රිකට් තරගාවලියේ අවසාන මහා තරගය දක්වා ලංකාව පැමිණිමට හේතු වුයේද සුපිරි සංගාගේ නායකත්වය නිසාය.ලංකාවේ සමහර අය කියන්නේ M.S.දෝනි ඉතා දක්ෂ කඩුළු රකින්නෙක් බවත් ඔහු සංගාට වඩා හොද නායකයෙක් බවත්ය.කතාව තරමක් දුරට ඇත්තය.ඒත් මගේ මතය නම්  M.S.දෝනි යනු ආත්මාර්ථකාමී ඩයල් එකකි.මක්නිසාද යත් ඔහු පිතිකරණයට පැමිණෙන්නේ පිතිකරු ලැයිස්තුවේ හිතු හිතු තැනවලින්ය,හොද partnership එකක් break වුන ගමන් ඔහු පන්දුවට පහර දීමට පැමිණෙයි.අනික ඔහුගේ ඔය කියන Helicopter ෂොට් එක ගොඩක් කට්ටිය ලොකු කරගෙන සිටියද,එම පහරවල්වල කිසිම තාක්ෂණයක් නැත.ඇත්තටම දෝනිට කිසි ටෙක්නික් ෂොට් එකක් නැත.ඇන ඇන සිංගල් එක දාන අතරේ ඇගේ හයියෙන් 4ක් 6ක් ගසයි.ඇගේ ෆිට්නස් නැතිවෙලාවට අමාරුවේ වැටෙයි.M.S.දෝනි මැච් දිනන්නේ ලක් (luck)එකටය.අපේ සංගලා මැච් දිනන්නේ දක්ෂතාවය සහ ලක්  (luck)එක යන මේ දෙකෙන්මය.

මෙවර පැවති අයි.සී.සී. සම්මාන ප්‍රදානයේදී වසරේ හොදම ටෙස්ට් පිතිකරුවා,ජනප්‍රියතම ක්‍රිකට් ක්‍රීඩකයා සහ වසරේ ක්‍රිකට් ක්‍රීඩකයා යන සම්මාන ත්‍රිත්වයෙන්ම පිදුම් ලැබීය.දැන් නම් ඔහුට බැණ වැදුන පුද්ගලයන් පවා ඔහුගේ ගුණ ගායනා කරති.ඒ ලෝකේ හැටිය.කෙසේ වෙතත් ලංකාවේ මෙතෙක් බිහි වු විශිෂ්ටතම ක්‍රීඩකයාට අපි ගරු කළ යුතුය.ක්‍රිකට් ක්‍රීඩාවට මෙන්ම නීතිවේදය තුළින්ද හසළ දැනුමක් ඇති මොහු රටේ සම්පතකි.ඔහුට මෙවර 20-20 ලෝක කුසලානයේ සාර්ථකම පිතිකරුවා වීමට හැකි වේවායි ප්‍රාර්ථනා කරමු!

අමිල චාමර ගුණසිංහ

ශ්‍රී ජයවර්ධනපුර විශ්ව විද්‍යාලය